Urkunde 1226 Januar 12
Erzbischof Heinrich von Köln bekundet am 12. Januar 1226, dass das Kloster Soest-Walburgis den Köbbinghof von Heinrich von Volmestein gekauft hat. In der Urkunde, die in Soest ausgestellt wurde, wird Graf Adolf von der Mark als Zeuge aufgeführt.
Wortlaut
Die Urkunde ist in lateinischer Sprache verfasst. Ihr Wortlaut wird nach dem WUB Band 7 zitiert: [1]
In nomine sancte et individue Trinitatis. Heinricus Dei gratia sancte Goloniensis ecclesie archiepiscopus universis Christi fidelibus in perpetuum utriusque vite salutem. Pastoralis eure dignitas deposcit, quod singulis ecclesiarum nostre diocesis necessitatibus utiliter et sollicite provideamus. Notum sit ergo presentibus et futuris, quod conventus sancte Walburgis in Susato curtem quandam in Cobbenchove cum omnibus attinentiis suis scilicet decimis, terris cultis et incultis, silvis, usuagiis, pascuis, pratis et aliis, que ad usus dicte curtis ex antiquo noscuntur pertinere, pro quadam summa pecunie comparavit a Heinrico diclo Stokeleyt, qui curtem eandem in feudo tenuerat a fideli nostro Heinrico de Volmetsteine, cui resignavit ipsam, et idem Heinricus in manus nostras resignavit eandem, cuius proprietatem nos contulimus conventui memorato de consilio priorum Goloniensium integraliter in perpetuum possidendam. Ut autem hec nostra collatio liberaliter facta rata permaneat et inconcussa, presentem paginam super ea conscriptam sigilli nostri fecimus impressione roborari. Acta sunt hec anno gratie M°.CC°.XXVI°. indictione XV presidente sacrosancte Romane ecclesie domino Honorio papa III, regnante invictissimo Romanorum imperatore Friderico semper augusto et illustri filio eins Henrico; presentibus venerabilibus fratribus nostris Ottone Osnabrugensi, Willbrando Paderbornensi episcopis, Conrado maiore preposito, Gotzwino maiore decano, Arnoldo sancte Gereonis Gerardo sanctomm Apostolonim, Henrico sancti Severini prepositis Goloniensibus, Godefrido Xanctensi preposito, Luperto sancte Marie ad Gradus decano, Gotzwino maioris ecclesie, Hermanno sancti Gereonis camerario canonicis Coloniensibus: Harmodo de Wedinghusen, Thiderico de Scheyda, Hermano sancte Walburgis, Thoma sancti Pairocli prepositis, Erpone decano, Radolfo scholastico, Gerhardo custode, Heyno et Hartrido canonicis Susatiensibus; nobilibus: Godefrido de Arnesberg, Adolpho de Marchia comitibus, Hermanno de Lippia, Hermano de Rudenberg, Henrico Nigro de Arnesberg nobilibus; Hermanno de Alvetre marscalco, Tiderico dapifero, Francone pincema, Ricquino et Johanne de Ervete marscalco, Hermanno villico, Gotzwino, Themone militibus et aliis quam pluribus. Datum apud Susatum per roanum Philegrimi notarii nostri, pridie Idus Januarii, pontificatus nostri anno secundo.
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Anmerkungen
- ↑ Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901