Quelltext der Seite Urkunde 1429 Januar 13

Johann Kerckerinck, bischöflicher Richter zu Münster, bekundet am [[13. Januar]] [[1429]] die Aussage Hermanns von Hesne, Bürgers zu Hamm, und Johann Hamms über ein streitiges Kaufgeschäft mit Henning Schulenrod zu Hildesheim.

== Wortlaut ==

Der Wortlaut der Urkunde in mittelniederdeutscher Sprache lautet wie folgt: <ref> zitiert nach: Urkundenbuch der Stadt Hildesheim. Vierter Theil. Hildesheim 1890, S. 47-48 </ref>

<blockquote>
Wii Johan Kerckerink richter unss leyven genedighen heren hern Hinrikes van Moirse bisscops to Munster in der stad Munster bekennet und betuget openbar in dussen breve, dat vor uns in gerichtes wiis antworde guder lude hiirna bescreven gekomen is Herman van Hesne borger ton Hamme und bekande aldar, dat he in geledenen tiiden were gekomen to Hildensem umme sine kopenschap und hedde dar in syner herberge gevunden Johannes Hammen und Hennynege Schulenrodes knecht und hedde gebeden to der tiid den sulven Johannes Hammen, dat he eme behulpich wolde wesen in syner kopenschap und rekenschap. Do genck de sulve Herman und dyngede wullen und ene wart des kopes nicht eyns, alse he seghede, und hedde deme vorgenomden Hennynge gelend tusschen twintich und dertich guldenwart silverens geldes witten, alse de heren und stede geslaghen hedden bii der zee und genge und geve weren ton Zunde, to R(o)stike und Grypeswolde, und de vorgenomd witten hedden ton Hamme gegulden und to Dorpmunde und in der herscap van der marke zess veyringe offt drey Lubesche pennynge, de witten heten to Hildensem drillinge. Dit schachin jeghenwordichkeit Johans Hammen, alse de sulven Herman und Johannes aldar enkanden. Ok bekande aldar Johannes und Herman vorgenomd, dat ze niine geselschap eder kopenschap enhedden gehat noch enhebben myt Schulenrode offt myt Hennynge vorgenomd sunder argelist. Duss to tughe so hebbe wii Johan richter vorgenomd unse ingesegel ume erer bede willen an dussen breff gehangen. Hir weren an und over to rechten tuchluden gebeden Hinrich krakerugge und Herman van Zwerete, borgere to Munster, und mer guder lude genoch. Datum anno domini MCCCXXIX feria quinta post festum Pauli primi heremite.
</blockquote>

== Standort ==

Stadtarchiv Hildesheim Nr. 1321

== Siehe auch ==

* [[Portal:Urkunden]]

== Anmerkungen ==

<references/>

[[Kategorie:Urkunden]]
[[Kategorie:Urkunden 15. Jahrhundert]]