Urkunde 1346 März 4

Engelbert Bitter überträgt am 4. März 1346 vor dem Freigrafen Gobel von Hilbeck auf dem Hemelinghof vor Kamen dem Kloster Clarenberg das Eigentum an dem Land bei Kamen, das Gerlach von Sümmern von ihm als Lehen besessen hatte.

Wortlaut

Die Urkunde ist in mittelniederdeutscher Sprache verfasst. Ihr Wortlaut wird nach Merx zitiert:

Al dengeynen, de dissen breif zeyn of horen leesen, zy kundich, dat ich Engelbragt Bitter myd vulbart und myd guden willen Berndes, Diderches, Gosvyns myner zone und Femyen und Gertrude myr dogtere hebbe gegeven unde opgelaten reddelichen unde rechtlichen der ebdissen unde dem gemeynen convente van Clarenberge den egendom des landes, wu dat by Camene gelegen es, asse dat Gerlagh van Sumeren van my tho lenrechte hadde und zin was, und wel en des egendomes waren unde al myn rechten erven eweliche unde ummermer, alze recht es. Unde dyt geschagh vor Gobelin van Hiltbyche, de tho der tyt was en vrygreve des grevan van der Marke, unde vor Camene op dem Heymelinchove. Dar waren over tho tuge her Henrich Vridagh en ridder, de den egendom des lnades dar entfench unde em opgelaten wort van der vorsproken ebdissen wegene unde des coventes van Clarenberge, Rotger van Glatbyke in der tyt en drossete tho Hurde unde Gert zin zon, Diderich Vridagh, Moreken en borgermester tho Camene in der tyt, Conrad van Steene, Johan van Berstrate, Richart van Boynen, Diderich van Heesen, Johan van Velmede, Everd Pashel, Alf van Buren, Bruzeke van Bredenbicke unde ander guder lude genuch, unde Henrich Bredensprinch, de dar vryvrone was. Um dat ich wel Engelbert Bitter vorgenant, dat disse dinch vast unde steede blyven der ebdissen unde dem gemeynen convente vorgenant, zo heb ich unde Berend myn zone onse ingeszegele an dissen breif gehanken vor ons und al onse rechten erven. Vortmer wy Diderich und Gosvyn unde Fenye unde Gertrud loven in guden trowen onder onses vader und broder segelen, al disse vorgenanten dynch vast und steede halden an argelist. Unde ich Gobele van Hiltbyche de vrygreve betuge unde bekenne, dat disse vorgenante gyfthe und oplatinche vor my gescheyn es unde dat ich myn segel an dissen breif gehanken hebbe um beede willen beider partye. Dysse breif wort gegeven des eyrsten zatdersdages in der vasten, do men scref na der geburt onses heren duzent drehundert unde zeesundeveyrtich jar.

Literatur

• Otto Merx: Urkundenbuch des Clarissenklosters, späteren Damenstifts Clarenberg bei Hörde. Dortmund 1908

Siehe auch

• Portal:Urkunden