Urkunde 1216 a: Unterschied zwischen den Versionen

In nomine sancte et individue Trinitatis. Ego Engelbertus Dei gratia sancte Coloniensis ecclesie  electus cunctis fidelibus in perpetuum. Notum facimus tam presentibus quam succedentibus, quod homo quidam nobilis Herimannus de Lippea pro amore Dei et intuitu nostre dilectionis ecclesie nostre que intitulatur ad sanctam Walburgam specialiter nostre protectioni subiecte advocatiam unius mansi domui eins in Upmene pertinentis, quam de manu nostra et antecessorum nostrorum tenuit, in manus nostras precise resignavit hac sane interposita conditione, ut in prenotato cenobio memoria sui et suorum favorabiliter agatur in perpetuum et ut apud nos et apud successores nostros idem beneficium successive resideat, ne, si in laicam iterum transferatur personam, novissima prioribus peiora denuo vexent ecclesiam nostram. Advocatorum enim opera vel onera temporibus nostris quam perniciosa sint omnibus ecclesiis experimento didicimus et luce clarius patet Lippis et tonsoribus. Ut igitur presens pagina rata et inconvulsa permaneat et malignari querentibus contraire valeat, ipsam sigilli nostri impressione et beati Petri auctoritate roboramus, ut quicunque eam violare presumpserit aut huic ordinationi non steterit anathema sit. Acta sunt hec anno Dominice incamationis M°.CC.XVI°. et presulatus nostri I°. Testes: maior decanus in Colonia Cunradus, Teodericus prepositus Xanctensis,  Arnoldus prepositus sancti Gereonis, Heinricus de Esnida, Arnoldus canonicus maioris ecclesie, Adolfus comes de Monte, Godefridus comes de Arnesberg, Fridericus de Novo Ponte, Adolfus de Marca, Heinricus de Volmensten, nobilis advocatus de Colonia, Herimannus schulthetus de Susato et quam plures alii viri boni testimonii.  

<references>