Urkunde 1274 April 10: Unterschied zwischen den Versionen

Nos ENGELBERTUS Dei gratia sancte Coloniensis ecclesie archiepiscopus, sacri imperii per Italiam archicancellarius. Notum facimus universis presentes litteras inspecturis, quod nos cum dilecto fideli nostro & consanguineo ADOLPHO comite de Monte in amicitie plene convenimas unionem, ita quod super omnibus controversiis questionibus & rancoribus, que fuerunt hactenus inter nos, stabimus dicto & ordinationi proborum, ad quod elegimus pro parte nostra Godefridum comitem Silveftrem, consanguineum nostrum, Roricum de Rennenberg viros nobiles, Winricum de Bagheim, Heydenricum & Hanoldum fratres de Plettenbere milites, pro parte vero dicti Adolphi comitis de Monte, Adolphus de Stamheim senior, Sibodo de Blegge, Henricus de Ufthe, Adolphus de Weyle & Jacobus de Uphoven milites sunt electi, quibus nobilis vir Engelbertus comes de Marcha pro utraque parte tanquam bonus mediator eft adjunctus. Promittentes sirmiter, quod quidquid predicti milites dixerint ordinaverint & statuerint inter nos, illud observabimus bona fide. In cujus rei testimonium sigillum nostrum presentibus litteris duximus apponendum. Datum apud Over Weffelich IV Idus Aprilis, anno Domini M.CCLXX quarto.