Urkunde 1277: Unterschied zwischen den Versionen
Keine Bearbeitungszusammenfassung |
|||
| Zeile 6: | Zeile 6: | ||
<blockquote> | <blockquote> | ||
Universis Christi fidelibus hanc paginam inspecturis ego Gotfridus de Huvele miles notum facio publice protestando, quod, cum domina abbatissa, priorissa et conventus ecclesie in Welvere filiam meam Odiliam pie ac favorabiliter in suum suscepissent collegium Deo famulaturam in habitu regulari, ego ex communi consensu et bona voluntate filiorum meorum videlicet Johannis, Hermanni, Lamberti et Gotfridi ceterorumque heredum meorum talem de bonis meis pensionem ecclesie contuli memorate, ut de domo nostra iuxta Tiliam sita in Sutdincher tres maltos annone scilicet unum maltum siliginis, unum ordei et unum avene annis singulis libere recipiant tali tamen conditione interposita, quod ego et heredes mei predicta bona redimere possumus XXV marcis denariorum legalium in Susato. In cuius rei testimonium presentem paginam super hiis confectam prefate contuli ecclesie sigilli nostri munimine roboratam; insuper sigillum viri nobilis domini mei Engelberti comitis de Marcha impetravi ad maiorem confirmationem premissorum. Datum anno Domini M.CC.LXXVII | |||
</blockquote> | </blockquote> | ||