Urkunde 1358 September 1

Graf Engelbert von der Mark ernennt am 1. September 1358 den Hildebrand von Wickede auf 22 Jahre zum scultetus und officiatus auf dem Königshof in Dortmund.

Wortlaut

Die Urkunde ist in lateinischer Sprache verfasst und hat folgenden Wortlaut:

Hic secuntur litere van dem Konyncgeshove.

Nos Engelbertus comes de Marka notum facimus universis publice profitentes, quod quum alias domini predecessores nostri recolende memorie dominus Engelbertus avus noster et dominus Adolphus pater noster comites de Marke, Hildebrandum de Wickede civem Tremoniensem et heredes ipsius in schultetum eorum et off-ciatum curtis sacri imperii regalis in Tremonia auctoritate regia qua fungebantur propter eorum legalitatem industriam et fiduciam, quam ad ipsos habebant prefecerunt, ordinaverunt et constituerunt, prout litere predictorum dominorum Engelberti avi nostri et domini Adolphi patris nostri, quas legimus, vidimus et manutenuimus illesas et inconfractas plenissime continebant, nos eorum vestigia sequi volentes domino concedente predictum Hildebrandum et heredes suos aut illum vel illos cui vel quibus sive sani sive languidi existant, subscripta commiserint ipsorum utilitate pensata de consensu Richardis

dilecte conthoralis nostre et omnium hereredum nostrorum in nostrum schultetum et officiatum seu officiatos dicte curtis sacri imperii regalis in Tremonia auctoritate regia, qua fungimur, in hac parte preficimus, ordinamus et constituimus per presentes a data die presentium ad viginti duos annos immediate subsequentes, eandem curtim cum omnibus suis attinenciis annexis pertinenciis et appendiciis universis sive ipsa extra vel intra muros civitatis Tremoniensis fuerint situata ipsis locantes et concedentes habendum pacifice et tenendum ad eorum usus, utilitatem et profectum, promittentes bona fide, quod volumus et debemus ipsos et quemlibet eorum per predictos annos in curta predicta et suis universis ut premititur pertinenciis manu tenere defendere et fideliter conservare necnon ab impetitionibus et dampnis, si quas vel que causa et occasione nostra vel heredum nostrorum ipsos et quemlibet eorum in curte predicta vel suis pertinentiis sustinere contigerit indempnes tenere et in omnibus et per omnia dicta tempora relevare dolo et fraudibus semper cessantibus in premissis. Pretexto etiam et causa predicte locationis et constitutionis viginti duorum annorum predictorum Hildebrandus supradictus pro se et heredibus suis nobis et heredibus nostris quadringentas marcas et nonaginta octo marcas et quatuor solidos bonorum denariorum Tremoniensium, qui tempore dationis presentium literarum fuerunt adeo boni, quod viginti solidi fecerunt per ignis examinationem unam marcam puri argenti in valore, iusta et landabili computatione nobiscum de universis et singulis facta ad usus nostros tradidit et integraliter assignavit in parato. Et ut premissa quevis et singula firma permaneant et ne in ppstum per aliquem infirmentur, iussimus sigillum nostrum pro nobis et nostris heredibus appendi in firmatatem et evidens testinionium premissorum. Datum anno domini 1358 ipso die beati Egidii abbatis.

Siehe auch

• Portal:Urkunden